Эше 36 тулык йоча шке пачеран лийын

                          36 тулык йоча Медведево районысо Шойбулак селаште у пачер деч сравочым налын. Тулык да ача-аван полышыж деч посна кодшо йоча- влаклан сравочым Республикым вуйлатыше Александр Евстифеев кучыктен. У пачер оза- влакым куанле тат дене саламлен да палемден: у пӧртым кушкын толшо селаште чоҥымо. Еҥ- влаклан тичмаш куатын илаш, пашам ышташ, ешым чумыраш чыла йӧным ыштыме. Тиде пӧрт селам сӧрастара. Пӧртыштӧ чыла пашам мучашлыме, сай, йӧнан проектым кучылтмо, кызытсе жапын чыла йодмашыжлан келшен толеш. Воктенак кок йоча сад, школ, тӱвыра рӱдер, стадион ден эмлыме вер, тӱшка транспорт чарныме вер улыт. А чыла тидыже рӱдӧ ола деч 8 меҥге тораште гына. Тиде категорий еҥ-влаклан илыме верым ситарыме сомыл чолган шукталтеш. 2018-ше ийыште 152 еҥлан пачерым пуымо, кодшо ийын 184 еҥ налын, тений 264 еҥ шотышто йодышым виктарен колтымо. Республикым вуйлатыше пӧртын сай качествыжым, воктелсе кумдыкым чаткан тӱзландарымым палемден, чоҥышо- влаклан замечаний уке, манын да погынышо- влакым У ий да пӧртсий пайрем дене саламлен.