У ийын икымше кечынже калыкым «ийме йӱдыш» да «мунчалтыме йӱдыш» ӱжыт

                        У ийын икымше кечынже Йошкар-Оласе калыкым «ийме йӱдыш» да «мунчалтыме йӱдыш» ушнаш ӱжыт. 31-ше декабрьыште пайрем утларакше ӱстел коклаште эрта, а 1-ше январьыште тудо умбакыже шуйна. Но тиде йӱлам изиш вашталташ да йӱштылаш але мунчалташ миен толаш лиеш. «Марий Эл» Ий полат дене Вӱд спорт полат пайремым вашлийме у йӱлалан тӱҥалтышым пыштен кертыт. Нуно икымше январьыште пашам ыштат. Коньки дене 21 гыч 23 шагат марте мунчалташ, а бассейныште 21 гыч 24 шагат марте йӱштылаш лиеш. Катокышко да бассейнышке оксам тӱлен пурыман.