«Йошкин пырыс» Российысе конкурсышто таҥаса

                    Российысе «СкульпТУТУра» конкурсын финалже тӱҥалтышым налын. Тушто Йошкар-Олан тӱҥ пырысше таҥаса. «Туту.ру» путешествий да транспорт дене коштмо сервис Россий мучко эн ойыртемалтше скульптуро ден чапкӱ- влакым рашемдыме шотышто конкурсым увертарен ыле. Тушко элна мучко шуко скульптура ушнен, но финалыш 10 композиций гына лектын. Ончыч тушко Йошкар-Ола гыч кок чапкӱ ушнен ыле: «Йошкин пырыс» ден «Кӱчык и» буквалан чапкӱ. Республикысе калыкын тыршымыжлан кӧра «Йошкин пырыс» 22,9 луаш процент йӱкым поген да финалыш лектын. Теҥгече финалыште таҥасымаш тӱҥалын. Мемнан пырыслан кажне еҥ шке йӱкшым 11-ше январь марте пуэн кертеш.