Ковид дене черланымашын кушмыжым чараш манын, мера- влакым ямдылыме

                  Ковид дене черланымашын кушмыжым чараш манын, У ий жапыште кевытлаште наледыше- влакым ик верыште шуко чумыраш огыл манын, мера- влакым ямдылыме. Мера- влак комплекс дене Марий Элым вуйлатыше да Оперативный штабын еҥже- влакым промышленность министр Станислав Крылов палдарен. Тушто каласыме: верысе самоуправлений орган- влаклан урем ярмингам кевыт, торгайыше рӱдер воктене, площадь ден уремлаште эртараш темлыме. Тыгак калык тӱрлӧ жапыште коштшо манын увертарен шогыман. Ужалкалыше субъект- влаклан кевытын ыштыме жапшым ешараш, сутка мучко калыклан кошташ маркетинг акций- влакым шонаш, пашам ыштыше кассым ешараш, шке ыштыме сатум да висыман сатум фасоватлаш темлалтеш. Тыгай мера- влак ужалкалыме объектлаште калыкым ик жапыште шуко чумыраш огыл манын ышталтыт. Тидыже ковидлан шарлаш чарак лиеш. Александр Евстифеев исполнительный кучем органлам вуйлатыше- влаклан пайрем да каныш кечылаште лушкаш огыл, а уло вийым коронавирус инфекций ваштареш кучедалмашке виктарыман манын. Чыла порядкым эскерен, пайрем кече- влакым чаткан да черланыде эртарен колтена гын, тунам правительствын еҥже да колектив- влаклан каналташат лиеш. А кызыт республикысе калык кана, а кучем орган- влак пашам ыштат, - каласен Александр Евстифеев.