Кузнецово кыдалаш школын командыже спорт дене эн пеҥгыде кылым куча
Курык марий районышто Кузнецово кыдалаш школын командыжым спорт дене эн пеҥгыде кылым кучышылан шотлымо. «Ош маска-2020» республике кӱкшытан тазалык спартакиадын муниципал йыжыҥышкыже ушнаш районысо ныл школ кумылым ончыктен. Таҥасымаш дистанций йӧн дене шке школ негызеш физкультура уроклаште эртаралтын. Индешымше класслаште тунемше- влак ГТО нормым шуктеныт. Вич рвезе да вич ӱдыр гыч шогышо команде- влак спортын вич видше дене таҥасеныт. Спартакиадын лектышыже почеш сеҥышыш Кузнецово кыдалаш школын командыже лектын. Кокымшо верым Пайыскырык школ налын, кумшо вер Усола кыдалаш школлан логалын.