Таче Российысе заповедник ден калыкле парк- влакын кечышт палемдалтеш
Таче Российысе заповедник ден калыкле парк- влакын кечышт палемдалтеш. Икымше гана тиде кечым Ир пӱртӱсым аралыме рӱдер ден Ир пӱртӱсын Тӱнямбал фондшын тӱҥалтышышт почеш 1997-ше ийыште палемдыме. 11-ше январьым таклан огыл ойырен налме. Тиде кечын 1917-ше ийыште Российыште икымше кугыжаныш заповедникым ыштыме- Баргузинскийым. Тудо баргузин лумшым- собольым да Байкалысе моло янлыкым арален кодаш манын ышталтын.
Марий Элыште 58 поснак оролымо пӱртӱс кумдык лиеш. Кызыт кундемыштына республике кӱкшытан 10 кугыжаныш заказник, 42 пӱртӱс памятник уло. Нуно республикын кумдыкшо деч кок утла процент кумдыкым айлат. Пытартыш 8 ийыште тыгай кумдык- влак 26 процентлан ешаралтыныт. Кодшо ийын Килемар районышто «Пошкит куп» пӱртӱс памятникым ыштыме. Аралыме да оролымо пӱртӱс кумдык Республикысе правительствын пунчалже почеш ышталтеш. Тыгай кумдыкым 58-ыш шукташ палемдыме.
«Кугу Какшан» заповедникыште февральыште «Заповедная поляна» почылтеш. Заповедник республикысе калыклан да уна- влаклан ончен кошташ у пӱртӱс да тӱвыра объектым ямдыла. «Саклыме алан» Килемар районысо Шаптынг ял кундемыште верлана. Аланым кодшо ийын шошымак ямдылаш тӱҥалыныт, «Шарнымаш аллейым» ыштеныт. Тудо аралыме кумдыкын историйжылан да заповедникыште тыршыше- влакым шарнымашеш кодаш манын ышталтын. «Марий чодыран йомакше» экойолгорным шонен луктыныт. Тушто уна- влакым марий калыкын йомакше да легендыж дене палдарат. Тиде жапыштак вес объектыштат паша шукталтын- кӱсотым уэмдымаш каен шоген. Тудым республикысе карт- влак кычал муыныт. Заповедникын пашаеҥже- влак тудым калыклан ончыкташ разрешенийым налыныт. Тыге февральыште «Саклыме алан» почылтеш. А кеҥежым «Саклыме чодыран шудыжо» экойолгорным ыштен пытарат, «Шонымашым шуктышо пушеҥге», «Кайык сийгудо», «Копшаҥгылан унагудо» арт-объектлам вераҥдат.
Марий Элыште 58 поснак оролымо пӱртӱс кумдык лиеш. Кызыт кундемыштына республике кӱкшытан 10 кугыжаныш заказник, 42 пӱртӱс памятник уло. Нуно республикын кумдыкшо деч кок утла процент кумдыкым айлат. Пытартыш 8 ийыште тыгай кумдык- влак 26 процентлан ешаралтыныт. Кодшо ийын Килемар районышто «Пошкит куп» пӱртӱс памятникым ыштыме. Аралыме да оролымо пӱртӱс кумдык Республикысе правительствын пунчалже почеш ышталтеш. Тыгай кумдыкым 58-ыш шукташ палемдыме.
«Кугу Какшан» заповедникыште февральыште «Заповедная поляна» почылтеш. Заповедник республикысе калыклан да уна- влаклан ончен кошташ у пӱртӱс да тӱвыра объектым ямдыла. «Саклыме алан» Килемар районысо Шаптынг ял кундемыште верлана. Аланым кодшо ийын шошымак ямдылаш тӱҥалыныт, «Шарнымаш аллейым» ыштеныт. Тудо аралыме кумдыкын историйжылан да заповедникыште тыршыше- влакым шарнымашеш кодаш манын ышталтын. «Марий чодыран йомакше» экойолгорным шонен луктыныт. Тушто уна- влакым марий калыкын йомакше да легендыж дене палдарат. Тиде жапыштак вес объектыштат паша шукталтын- кӱсотым уэмдымаш каен шоген. Тудым республикысе карт- влак кычал муыныт. Заповедникын пашаеҥже- влак тудым калыклан ончыкташ разрешенийым налыныт. Тыге февральыште «Саклыме алан» почылтеш. А кеҥежым «Саклыме чодыран шудыжо» экойолгорным ыштен пытарат, «Шонымашым шуктышо пушеҥге», «Кайык сийгудо», «Копшаҥгылан унагудо» арт-объектлам вераҥдат.