У ийын икымше кечылаштыже республикыштына корнылаште 40 еҥ эмганен

                          У ийын икымше кечылаштыже республикыштына корно происшествийлаште 40 еҥ эмганен. ГИБДД виктемыште у ий каникулым иктешленыт. Тудын ончыктымыж почеш 1 –ше гыч 10-шо январь марте республикысе корнылаште 23 ДТП лийын. Тушто кум еҥ колен да 40 еҥ эмганен. Ончычсо ийысе тыгаяк жап дене таҥастарымаште пайрем кечыласе ДТП 50 процентлан ешаралтын. Ӱмыр лугыч лийман ДТП- влак Марий Турек ден Звенигово районлаште регистрироватлалтыныт. Лу кече жапыште ГИБДД пашаеҥ- влак корно правилым пудыртымашым кок тӱжемат 200 случайым рашемденыт, йочам шупшыктымо правилым 50 гана пудыртеныт, 80 йӱшӧ водительым кученыт.