Медведевыште - у комплекс

                      Медведево посёлкышто шуко функциян уэмдыме заправочный комплексым торжественно почмо. Мероприятийыште Республикын промышленность, экономически вияҥмаш да торговля министрже Станислав Крылов, Медведево район администрацийым вуйлатыше Денис Окулов, «Медгаз» иземдыме ответственностьян ушемым ыштыше Ольга Сабирьянова лийыныт. «Медгаз» компанийын заправочный комплексше пужен ыштыме деч вара почылтын. Тушко компаний 35 миллион наре теҥге оксам пыштен. Тыге 6 у пашавер шочын. Ынде тушто 12 еҥ пашам ышта. Компаний бензин да газ дене автотранспортым гына огыл заправитла, калыкланат сурт- коклаште кучылтмо баллоным газ дене тема. Компаний ончыч республикысе экономически вияҥмаш министерстве деч полышым налын шоген. Пуымо субсидий производствым технически уэмдаш да у сатум, теплицым ышташ тӱҥалаш полшен. Республикысе изи бизнеслан полышым пуымо пашам экономически вияҥмаш министерстве ончыкыжымат шукташ тӱҥалеш.