Эрла тунемше- влакын Россий кӱкшытан олимпиадыштын регионысо йыжыҥже тӱналеш

                 У 2021-ше ийын икымше паша кечылаштыже школышто тунемше- влакын Россий кӱкшытан олимпиадыштын регионысо йыжыҥже тӱналеш. Тушко кугурак класслаште тунемше 600 утла ӱдыр- рвезе ушнаш ямдылалтеш. Регионысо йыжыҥ 12-шо январь гыч 25-ше февраль марте эрта. 9-ше-11-ше класслаште тунемше- влак 22 предмет дене шке шинчымашыштым ончыктат. Поро йӱла семын икымше тергымаш француз йылме дене лиеш. Регионысо йыжыҥ дене пырля 8-ше классыште тунемше- влаклан математике дене Леонард Эйлер лӱмеш олипиада эрта, а 7-8-ше классыште тунемше- влаклан физике дене Максвелл лӱмеш олимпиаде лиеш. Олипиаде кум вуз негызеш эрта: Юлтех, Марий университет да МОСИ, тыгак Пушкин лӱмеш 4-ше номеран гимназийыште, 28-ше номеран лицейыште лиеш. Чыла олимпиадыжат 9 шагатлан тӱҥалеш.