Сад-пакчаште тулым ылыжташ ок лий

                Тений У ий гыч сад- пакчалаште тулотым ылыжтыме шотышто у радамым палемдыме. Тудо шӱкшакым йӱлалтыме да мангалыште тулым ылыжыме денат кылдалтын. Ынде тулотым оралте деч вич метр лишне ышташ ок лий. У правил почеш мардеж талышныме годым, секундышто вич метр деч писынрак пуа гын, тулым ылыжташ ок лий. А кукшо лышташым посна лакыште але кӱртньо печкеште гына йӱлалташ лиеш. Кугурак тулым кеч- могай оралте деч 20 метр тораште гына ылыжташ лиеш. Но противопожар да ЧС режим годым тиде йодмаш пеҥгыдемеш. Тиде правил 2026-шо ий мучаш марте вийыште лиеш.