Тенийсе 10 тылзе жапыште республикыштына вич тӱжемат 500 наре йоча шочын  

                Тенийсе 10 тылзе жапыште республикыштына вич тӱжемат 500 наре йоча шочын.- Тидын нерген Маристат увертара. Январь гыч октябрь марте тений вич тӱжемат 542, а кодшо ийын тыгаяк жапыште вич тӱжемат 673 икшыве шочын. Шукыракше оласе улыт. Мутлан, Йошкар-Ола округышто кок тӱжемат 300 утла, 403-шо Волжскышто, 124-ше Козьмодемьянскыште. Район- влак коклаште эн шуко Медведево районышто- 690, кокымшо верыште- Звенигово район- 340, кумшышто Морко район- 270 ньога.
               Январь гыч октябрь марте тений шым тӱжемат 600 утла еҥ илыш дене чеверласен, кодшо ийын 6 тӱжемат 865 еҥ лийын. Тыге калыкын чотшо кок тӱжемат 62 еҥлан шагалемын. Эн шуко колышо Юрино районышто палемдалтын. Тений 10 тылзыште кок тӱжемат 309 еш шочын. Тидыже ӱмышсе деч 21 процентлан шагалрак. Тыгак ойырлымашат шагалемын- тӱжемат 809 мужыр шаланен, тиде 9 утла процентлан шагалрак.