«Лӱдыкшыдымылак орава» конкурсын лектышыже пале лийын

                       Республикыштына корнын самырык инспекторжо- влакын «Лӱдыкшыдымылак орава» конкурсын лектышыже пале лийын. Таҥасымашке чылаже 18 команде ушнен. Пандемийлан кӧра тений таҥасымашын практик ужашыже- влакым- тиде автогородокышто велосипед дене коштмашым да фигурнын виктарымашым эртарыме огыл. Агитбригаде- влакат усталыкыштым дистанций формат дене ончыктеныт. А теорийым дистанций режимыштак республике мучко ик жапыштак сдатлыме. Тидын годым видеозапись йӧн кучылталтын. Сеҥышыш Курык марий районысо Виловат школын командыже лектын. Нунын эн шагал штраф баллышт погынен. Кокымшо верыште Волжск оласе лицейын ЮИД командыже улеш. Кумшо верыш Советский районысо Алексеевский кыдалаш школын юидовецше- влак лектыныт. Икымше гана эртыше «Социал плакат» усталык конкурсышто Моркысо кокымшо школын командыже сеҥен. Конкурсышто сеҥышыш лекше команде республикын чапшым Российысе конкурсышто арала. Тудыжо декабрьыштак лийшаш.