Йошкар-Олаште тошто пӧрт- влак олмеш шуко пачашан пӧрт- влак чоҥалтыт

          Йошкар-Олан рӱдӧ ужашыштыже аварийныйлан шотлалтше кок пачашан пӧрт- влак олмеш шуко пачеран пӧрт- влак чоҥалтыт. Чоҥалтше кундем- влакым вияҥдыме паша пытартыш ийлаште ончыл верыш лектеш. Молан манаш гын, тудо тошто пӧрт- влакым кораҥден, еҥ- влакым у верыш кусараш полша. Йошкар-Олаште ик тыгай кундемлан Гагарин проспект, Панфилов, Первомай, Успенский урем- влак дене авыралт шогышо вер шотлалтеш. Тудын шотышто ноябрьыште ойпидышым кылдыме. Тушто куд аварийный пӧрт верланен. Илыше калыкым кум ий жапыште йыжыҥын- йыжыҥын кусарен пытараш палемдыме. Ярысше верыште шуко пачашаш кок пӧрт чоҥалтеш. Чыла тиде пашам шукташ чоҥышылан 6 ий пуалтеш. Инвестицийын тӱшка кугытшо 580 миллион теҥгем эрта.
            Кызыт эше кок ойпидышым кылдыме. Иктыже Тыныслык, Сталинград кучедалмашын Геройжо- влак урем да Данилов бульвар кокласе квартал, весыже Чехов, Первомай, Йошкар Армий да Яков Эшпай урем- влак кокласе кумдык. Ончыкыжым эше куд микрорайон шотышто ойпидышым кылдаш да  кундемым вияҥдаш палемдыме. Тыге 66 аварийный пӧрт кораҥдалтшаш.