«Абилимпикс» чемпионатыште Марий Эл гычат сеҥыше- влак улыт
«Абилимпикс» 6-шо калыкле чемпионатын сеҥышыже- влак радамыш Марий Эл гычат конкурсант- влак пуреныт. Инвалид да начар тазалыкан- влакын профессионал мастарлыкыштым тергыме чемпионатыште республикын сборныйжо кум медальым сеҥен налын. «Специалисты» категорийыште «Пушенге гыч пӱчкедымаш» компетенцийыште икымше верым Андрей Лебедев налын. Тиде компетенцийыштак «Студент» категорийыште Виктор Фёдоров кумшо лийын. «Специалист»- влак коклаште «Художественный тӱрлымаш» паша дене кокымшо верлан медаль дене Людмила Новосёлова палемдалтын. «Школьник»- влак коклаште «Визаж» компетенций дене призёр радамыш Екатерина Елькина пурен. Марий Эл гыч чылаже 26 таҥасыше лийын. Нуно 21 профессий дене таҥасеныт.
