Марий Эл деч сенатор тоштерыште лийын

                       Марий калыкын тӱвыражым арален кодымо нерген. Марий Эл Кугыжаныш Погын деч Федераций Советыште сенатор Сергей Мартынов Евсеев лӱмеш калыкле тоштерын структурышкыжо пурышо Историй да археологий тоштерыш миен. Калыкле тоштерым вуйлатыше Светлана Зверева сенаторлан экскурсийым эртарен, поснак ойыртемалтше экспонат- влакым ончыктен. Чон почын мутланыме годым, марий калыкын ойыртемжым, марий кундемын поян историйжым арален кодаш кӱлмӧ нерген ойлымо. Сергей Мартынов тоштерлаш икымше гана огыл мия. Тымарте тудо «Благовещений башньысе» тоштерыште «Республикын поликультурный картыжым» ончен. Калыкле тоштерлан «Тыл фронтлан» изи форман скульптурым пӧлеклен ыле. Кажне кундемын шкенжын поян пӱрымашыже, историйже,- каласен тудо. Сандене субъектын могай улмыжо нерген тоштер- влак шукым ойлен кертыт. Тидлан кӧра кеч-кушко мийыме годымат тоштерыш пурашак тыршем манын тудо. Марий калык шке илыш вожшым, йылмыжым арален кодаш тырша. Тидын шотышто  марий- влак деч тунемаш лиеш,- каласен сенатор.