Республикыште газым пуртымо программым 2025-ше ий марте уэмдыме

                 Александр Евстифеев ден Алексей Миллер республикыште газым пуртымо да газым ситарымашым вияҥдыме программым пеҥгыдемденыт. Республикым вуйлатыше Александр Евстифеев ден «Газпром» публичный акционер ушемым вуйлатыше Алексей Миллер 2021-ше 2025-ше ийлан республикыште газым ситарыме да газым пуртымо пашам вияҥдыме шотышто уэмдыме программеш кидпалыштым пыштеныт. Тудын почеш 58 ял ден посёлкыш газ толшаш. Инвестицийын кугытшо ныл миллиард теҥгем эрта. Тидыже 16-шо -20-шо ийлаште ойырымо деч кум пачаш утлалан шукырак. Посёлко- влак кокласе газ пучым чоҥымаш Звенигово, Морко, У Торъял, Оршанке. Параньга да Советский районласе яллашке топливым кондаш йӧным пуа. Тиддеч посна «Волжск-1» газораспределительный станцийым пужен ыштыме лиеш, тудын куатше кугемеш.
                 Тидын годымак Марий Эл Правительстве посёлко кӧргысӧ газ пуч- влакым чоҥа да кум тӱжемат 870 суртыш, 14 котельныйыш да промышленный предприятийыш  газым пурташ ямдыла. Тиде вич ияш программе мыланна моткоч кӱлешан, - каласен Александр Евстифеев, молан манаш гын, тиде ялысе калыкын илышыжым куштылемда. Республикысе Правительстве дене «Газпромын» чаткан пашам ыштымыштлан кӧра, республикым газифицироватлымаш Российысе кокла показатель деч кугурак улеш Тений икымше январьлан шотлымаште Марий Элыште газификацийын кугытшо 89 процентым эртен. Вич ияш программым шыҥдарымек, республикыштына технически мыняр ышташ лийме газификаций тичмаш мучашлалтшаш.