Йошкар-Оласе эмлыме верыште у ангиографым вераҥдат

                   Йошкар-Оласе эмлыме верыште у ангиографым вераҥдат. Тушто кокымшо рентгенооперационынйым ышташ пӧлемым олмыктен ямдылыме. Тидлан вич миллионат 700 тӱжем теҥге оксам кучылтмо. Тазалыкаралтыш министерствыште умылтарыме почеш, кызыт у ангиографический системе монтироватлалтеш. Тудын акше 54 миилион утла теҥге. Тудым «Шӱм да вӱргорно чер ваштареш кучедалмаш» проект кышкарыште налме. Кызыт пашам ыштыше установкыжо 2012-шо ий годсек кучылталтеш да шке ресурсшым пытарен, манаш лиеш. Ангиографий- тиде рентген шымлымашын ик йӧнжӧ. Тудо вӱргорно- влакым да тушто вӱр коштмым рашемден очныкта. Рентген снимке- влак тазалык шотышто йодышын амалжым кычал муаш полшат. Рентген тыгеже пеҥгыде ткань- влакым ончыкташ кучылталтеш, тушто вӱр ок кой. Но вӱргорныш ойыртемалтше чиям колтымеке южо вере вӱр пеҥгыдемын пробко лиймыжым да моло ситыдымашым раш ужаш полша. Тидыже пеш кӱлешан.