Кокымшо декабрьыште онлайн- режим дене «Илаш! Йӧраташ! Ӱшанаш!» кокымшо антинаркотический форум лиеш

               Марий Элыште кокымшо декабрьыште онлайн- режим дене «Илаш! Йӧраташ! Ӱшанаш!» кокымшо антинаркотический форум лиеш. Мероприятий республикыште илыше- влаклан законым эсерыман элыште чаплын илаш, лишыл еҥ- влакым йӧраташ да ончыкылыклан ӱшанаш йоным ыштымашке виктаралтын. Форумын тӱҥ цельже- профилактикым ыштыше  субъект да специалист- влак коклаште пайдале вашкылым ыштымаш, муниципал кӱшытыштат профилактике пашам вияҥден колтымаш, калыкын наркотик ваштареш шонымашыжым вияҥдаш, самырык тукымым таза илыш йӱла деке кумылаҥдымаш. 9 шагатлан форумым почмаш гыч трансляций тӱҥалеш, 17 шагатлан тудо петыралтеш. Тудо Юлтехын тӱҥ корпусшо гыч ончыкталтеш. 8 тематике площадкыште наркотик дене кучедалме да профилактике паша дене дискуссий- влак эртат.