Ял озанлык ярминга 12-шо декабрьыште лиеш

            Икымше теле ял озанлык ярминга 12-шо декабрьыште лиеш. Тудо молгунамсе семынак Чарла кремльыште погына. Пытартыш гана ярминга 21-ше ноябрьыште лийын ыле. Тунам сатум лукшо 50 утла предприятий да амалкалче толын. Нуно Марий Эл, Татарстан, Киров кундем гыч лийыныт. Калыклан чапле качестван сатум темленыт: мемнан дене ончен куштымо форель, лудо, комбо, кӱрка, кролик шыл да молат. Тиде ганат оласе калыкын кумлыжым огыт волто.