Тений мланде законодательствым 280 гана пудыртымо

              Республикыштына 280 гана мланде законодательствым пудыртымым рашемдыме. Тений лу тылзыште кугыжаныш инспектор- влак законым шуктымым 449 гана тергеныт. Тыге 284 нарушенийым рашемдыме. Нунын коклаште- мланде участкым шкевуя айлымаш, ситыдымашым кораҥдаш инспектор- влакын  предписанийыштым шуктыдымаш, мландым вес пашалан кучылтмаш, палемдыме чек дене келшыдымын мланде дене пайдаланымаш да молат улыт. Законодательствым пудыртышо- влак коклаште 266 тыглай еҥ да 16 юридический, кок должностной лица улыт. Тӱлыкташ ыштыме штрафын тӱшка кугытшо ик миллионат 575 тӱжем теҥге лийын.