У ий шанчын онлайн- школжо почылтеш

               «У ий кинолента але мӧҥгешла ончыкылыкыш»: Йошкар-Олаште У ий шанчын онлайн- школжым эртарат. Тудым Республикысе калык усталык рӱдер ямдыла да виртуал омсажым 10-шо декабрьыште почеш. Школыш ушнышо- влакым поян программе вуча. «Юзо йомак» путешествий, «Йомак элын палыдымыже» квест, Йӱштӧ Кугыза дене вашлиймаш да молат лиеш. Школ радамыштак мастер- класс- влак эртаралтыт. Школыш ушнашлан мӧҥгӧ пашам ямдылыман. Тиде- сувенирым,  у ий флешмобым, у ий дене видеосаламлымашым ямдылыман. Тудым оҥайын ыштыше- влак суперпризым налыт.. Онлайн-школыш ушнаш йодмашым электрон йӧн дене нылымше декабрь марте налыт. Йодышым 42-54-75 номеран телефон дене рашемдаш лиеш.