Россий кӱкшытан таҥасымашлашке ушнышаш ечызе- влакын лӱмышт пале лийын

                       Тенийсе теле тургымышто ече дене таҥасымаште Марий Элын чапшым 19 ечызе арален кертеш. Россий кӱкшытан таҥасымашлаште, Российын кубок дене чемпионатыштыже республикысе сборный команде гыч лу спортсмен да первенствылаште 9 еҥ участвоватлен кертеш. Российысе ече федерацийын ончыктымыж почеш каласыме стартлашке ушнаш 7 пӧръеҥ ден 3 ӱдырамашын фис- кодшо уло. Тиде Российын спорт мастерже- влак Дмитрий Чекулаев ден Станислав Егоров, самырык- влак Станислав Иванов, Александр Иштямов, Артём Лунник, Александр Подыганов, Александр Шабалин, тыгак спорт мастерыш кандидат- влак Наталья Морозова, Юлия Падыганова да Ирина Соловьёва.
                        Эше 15-17 ияш 9 спортсменын РУС кодшо уло. Тиде Тигран Арутюнян, Алина Зайкова, Артём Максимов, Софья Протасова, Константин Рожков, Никита Смелов, Артём Сырцев, Екатерина Чернышова, Елена Якимова. Республикысе ече федерацийым вуйлатышын мутшо почеш, РУС код юношеский первенствышке ушнаш правам пуа.