Самырык сӱретче- влакын пашашт Москосо Сеҥымаш тоштерын онлайн-выставкышкыже пуреныт

                         Марий Эл гыч самырык сӱретче- влакын пашашт Москосо  Сеҥымаш тоштерын онлайн-выставкышкыже пуреныт. Республике гыч Россий кӱкшытан «Сеҥымаш ёлкым сӱретле» йоча конкурсыш самырык сӱретче- влак 10 пашам колтеныт. Нуным Сеҥымаш тоштерын сайтыштыже ончаш лиеш. Оргкомитетын пунчалже почеш кажне кумылан еҥ 7-ше декабрь марте келшыше сӱретлан шке йӱкшым пуэн кертеш. Эн шуко йӱкым погышо кум сӱретын авторжо «Ончышо- влаклан келшымылан приз» номинацийын лауреатше лийыт. Организатор- влак йоча шамычлан У ийлан коллекционный открыткын авторжо лияш темленыт ыле. Конкурсыш элысе 74 кундем гыч кум тӱжемат пеле наре паша пурен. Марий Элысе йоча- влак тушко чолган ушненыт. Сеҥыше- влакым 7-ше декабрьыште увертарат. Сеҥыше 9 еҥын пашаже негызеш открыткым ыштат.