Студент хор регион кӱкшытан конкурсышто сеҥышыш лектын

                  Марий Кугыжаныш университетын студент хоржо регион кӱкшытан конкурсышто сеҥышыш лектын. Йошкар-Олан да Марий Элын митрополитше Иоаннын сугыньлымыж почеш эртарыме «Благой ковчег» православий мурын 9-ше Регион кӱкшытан фестиваль-конкурсшо мучашлалтын. Тудо республикысе районла гыч мурызо- влакым иктеш чумырен. Нуно икмыняр номинацийыште муреныт: посна, ансамбль дене да хор дене. «Хор» номинацийыште 16 гыч 24 марте ияш- влак коклаште икымше степенян дипломант лӱмым Марий Кугыжаныш университетын «Кече йол» студент хоржо сеҥен налын. Туныктышо Светлана Луничкинан вуйлатыме коллектив идалык еда регион, Россий да Тӱнямбал кӱкшытан конкурслаште награде- влакым сеҥен налеш.