Таче Палыдыме салтакын кечынже палемдалтеш

                  Таче, 3-шо декабрьыште, Палыдыме салтакын кечынже, Республикысе следствий виктемын пашаеҥже- влак Курымашлык тул воктеке пеледыш аршашым пыштеныт.  Тиде шарнымаш кече  Кугу сарыште кредалшыла вуйым пыштыше да лӱмышт палыдыме кодшо Совет да Россий воин- влакын подвигыштым да лӱддымылыкыштым курымешлан ушеш кодаш ӱжеш. Икымше гана тиде кечым 2014-ше ийыште палемдыме. Лач тиде кечын 1966-шо ийыште Моско воктене немыч-фашист войскам кырен шалатымылан 25 ий темме кечын Ленинград шоссе воктене тӱшкан тойымо шӱгар гыч палыдыме салтакын лулегыжым Москосо Кремльын пырдыжше воктене Александровский садыште торжественно тойымо.