Ковид чер шотышто колл-рӱдер пашам ышташ тӱҥалын
Марий Элыште ковид чер шотышто колл-рӱдер пашам ышташ тӱҥалын. 122 номеран службын тиде рӱдерыштыже коронавирус да врачым ӱжыктымӧ шотышто йодыш- влакым виктарен колташ лиеш. Колл рӱдерыште 45 волонтёр пашам ышта. Нуно лӱмын тунеммашым эртеныт. Тымарте 70 йыҥгырлан вашмутым пуэныт. Республикыштына 122-ан номерыш стационар да кӱсен телефон гычат оксам тӱлыде йыҥгырташ лиеш.
