Грипп чер деч черетан тӱшка вакцине толын
Марий Элыш грипп деч 22 тӱжемат 510 вакцине толын. Кызытеш грипп дене черланышым рашемдыме огыл гынат, тудым шижтарыме эн пайдале йӧнлан вакцинаций шотлалтеш. Республикыштына кызытат прививке умбакыже шуйна. Кумылан- влак тудым эртен кертыт. Республикыш кугыеҥ- влаклан черетан тӱшка «Совигрипп» вакцине толын. Прививкым ышташ шкендан поликлиникыш йыҥгарташ кӱлеш.
