Зданий ден сооружений- влакын озашт телым мом ыштышаш улыт?

                 Йошкар-Оласе зданий ден сооружений- влакын озаштын телымсе обязанностьышт. Воктелсе кумдыкым эрыктымаш ола кундемым тӱзландарыме правил гыч лектын шога. Телым шке кундемым лум, ий, шӱкшак деч эртыкыман, йолын коштмо верыш ошмам шавыман, пӧрт леведыш ден козырёкым лум да ий деч эрыктыман. Мутлан, пазарысе зданий- влакын, кевыт, ужалкалыме рӱдер, кочмывер, кинотеатр да театр, машина шогымо вер- влакын озашт 15 метр кумдык дене йыр эрыктышаш улыт. Тыгаяк йодмаш автозаправке, машинам мушмо, шиномонтаж мастерской, техобслуживаний станций, гараж, гараж кооператив, автостоянке ден парковко- влакымат тӱка. Тидын годымак лум орам чумыраш, тудым корныш шӱкен лукташ ок лий.