Таче – комсомолын шочмо кечыже
Таче 29-ше октябрь – комсомолын шочмо кечыже. 1917-ше ийысе февраль революций элысе самырык тукымын мер да политике илышыште чолгалыкшым кугемдаш полшен. Самырык организаций- влак шочаш тӱҥалыныт. Петроградыште 1917-ше ийын большевик- влакын корныштым кучышо пашаче молодёжын социал ушемже шочын. 1918-ше ий 29-ше октябрьыште пашаче да кресаньык самырык тукымын икымше Российысе погыныштышт посна ушем- влакым Российысе ик ушемыш чумыраш кутырен келшыме- Самырык- влакын Российысе коммунистичечский ушемыштым ышташ да большевик- влакын Коммунист партийыштын виктарымыж дене пашам ышташ. Тыге идалык мучаш марте тиде ушемыш 22 тӱжемат 100 еҥ ушнен. Кок ий гыч, кумшо погынлан, 482 тӱжем еҥ погынен, а 1941-ше ийлан 10 миллион еҥ лийын. 1924-ше ийыште Владимир Ленинын колымыж деч вара Комсомоллан тудын лӱмжым пуымо. 1926-шо ийыште Всесоюзный ленинский коммунистический союз молодёжи- ВЛКСМ лӱмым налын. Тудым шалатыме нерген решенийым 1991-ше ий 27-28-ше сентябрьыште ВЛКСМ-ын 22-шо чрезвычайный погыныштыжо пеҥгыдемдыме.
