У тоштер-ончер проект почылтеш

Марий Элын 100 ияш лӱмгечыже вашеш у тоштер-ончер проект почылтеш. Республикысе тӱс сымыктышлан 100 ийым ончыктышо «Курым кужытан корно» тоштер-ончер проект кундемнан курымаш лӱмгечыжлан пӧлеклалтеш да эрла Йошкар-Олаште почылтеш. У проектын экспозицийыштыже Тӱссымыктыш тоштерын, Тимофей Евсеев лӱмеш калыкле тоштерын, Александр Григорьев лӱмеш сӱрет да историй тоштерын фондышт гыч марий калык вургем, сурт-кӧргыштӧ кучылтмо ӱзгар, живопись, графика, скульптура паша, кид-паша мастарлык ончыкталтеш. Тыгак пленэр жапыште ыштыме паша- влакым ужаш лиеш.