Куд осал пашам ыштышым кученыт

                Полицейский- влак Российын икмыняр кундемыштыже куд осал пашам ыштыше- влакым кученыт. Марий Элысе уголовный розыскын пашаеҥже- влак Киров областьыште илыше кок еҥым пачерым толымылан да машинам наҥгайымылан кученыт. Новочебоксарск гыч пӧръеҥын машинаже Йошкар-Оласе унагудо кундемыште кодымо лийын, тудым наҥгаеныт. Тергымеке рашемын: Осал пашам Яранск гыч 17 да 20 ияш рвезе- влак ыштеныт, кугуракше тымарте судидтлалтше улмаш. Нуно шолыштмо машина дене Киров областьыш каеныт да Кикнур посёлко тураште корно воктене коденыт. Тушто кок пӧртым  толеныт да мӧҥгеш Йошкар-Олаш толыныт. Тыште адакат олан эҥер вес велысе ужашыштыже пӧртлам толеныт. Тиддеч вара такси дене Озаҥыш кудалыныт. Тушто адакат шолыштыныт, но Марий Элысе уголовный розыскын еҥже- влак нуным кученыт. Пален налме: пӧртлашке нуно окнам пудыртен пуреныт, оксам, банк картым, ювелир сӧрастарымашым да электроникым шолыштыныт. Кондымо эҥгекышт 80 тӱжем теҥгеш погынен. Южо ӱзгаржым нуно ломбардыш пуэныт, южыжым поген налме. Уголовный пашам тарватыме.