Финн-угор йылмылам да шочмо йылмым туныктышо- влаклан «Йылме ден тӱвыран икгайлыкышт» усталык мастерской эртен

            Марий Кугыжаныш университетыште «Россий Федерацийысе калык- влакын тӱвыра да йылмыштын Россий кӱкшытан форумышт» проектым шыҥдарыме кышкарыште финн-угор йылмылам да шочмо йылмым туныктышо- влаклан «Йылме ден тӱвыран икгайлыкышт» усталык мастерской эртен. Тушко 33 туныктышо пашаеҥ ушнен. Нунын коклаште финн-угор йылмылам туныктышо 30 еҥ да кум эксперт улыт. Погынышо- влакым Марий Эл Правительстве председательын икымше алмаштышыже Михаил Васютин, тӱвыра министрын алмаштышыже Галина Ширяева, Калык озанлыкын Российысе Академийжын шанче рӱдержым вуйлатыше Ольга Артёменко саламленыт. Мероприятийым торжественно почмо годым Шочмо да руш йылмым туныктышо- влак ассоциацийын медальже дене шочмо йылмым вияҥдымашке да аралымашке пыштыме надырлан Михаил Васютиным, Галина Ширяевам да Андрей Чемышевым наградитлыме. Тӱвыра- влакын ваш ушналт вияҥмышт саманыште шочмо йылмым туныктымо теме дене Пленарный заседаний деч вара погынышо- влакым марий кӱсле дене шоктымо, марий йылмым у технологий дене туныктымо, тӱрлӧ пайремым эртарыме шотышто  мастер-класс- влак вученыт.