Черланыше- влак шукемыт, койко ешаралтеш

      Республикысе медицина тӧнежлаште коронавирус дене черланыше- влаклан койкым ешарыме. Пытартыш кок кечыште ковид да пневмоний дене черле- влакым эмлаш эше 60 койкым шындыме. 27-ше октябрьлан шотлымаште Йошкар-Оласе эмлыме верыште 240 койко гыч 228-ыже кучылталтеш, вич еҥ оборудований дене шӱла, 74 еҥлан кислородым ешарат. Республикысе сарын ветеранже- влаклан клинический госпитальыште 135 койко гыч 127-ыштыже черле уло, 59 еҥ нелын черланышылан шотлалтеш, нылытше ИВЛ дене пайдалана. Республикысе 10 медицина организацийын инфекций пӧлкаштышт тӱжемат ик еҥ эмлалтеш. Нунын кокла гыч 21 еҥжым ИВЛ деке ушымо, 407 еҥлан кислород полыш кӱлеш. Районласе эмлыме верлаште у пациентым налаш Звениговысо, Волжскысо, Совесткийысе эмлыме вер- влак ямде улыт. Туштат койко- влакым ешарыме.