Йошкар-Олаште «Икымше полыш» таҥасымаш- влак эртат
Йошкар-Олаште кокымшо гана «Икымше полыш» таҥасымаш- влак эртат. Нуно президент грантын фондыштыжо сеҥышыш лекше «Икымше полышын школжо» проект кышкарыште шыҥдаралтыт. Тыгай таҥасымаш- влак самырык еҥ- влакым вучыдымо ситуацийыште мом ышташ, шке да тӱшка лӱдыкшыдымылыкым эскераш, икымше полышым пуэн мошташ туныктат. Таҥасымашке тунемме тӧнеж- влакын, йоча, студент, турист, военно-патриот клублан командышт ушнат. Нуно 11 гыч 17 ияш марте лийыт. Таҥасымаш декабрьыште 24-ше школ негызеш эрта.
