Юл сер кундемыштат мемнан радиом колышт кертыт

       Марий Элыште «Российысе телевизионный да радиовещательный сетьын» «Российын Радиожо» радиостанцийым ФМ диапазонышто вич районышто колышташ йӧным ыштымыже нерген ойленна ыле. Теве таче эше Волжск ола да район ешаралтыт. Тушто 65 тӱжем еҥ ила. Нуно 96,2 МегаГерц частоташте мемнан марий радиом колышт кертыт. Ушештарена: ФМ диапазонышто Моркышто 101,6 МегаГерц частоташте; Марий Турекыште 102,5;  Шернурышто 103,4;  Параньгаште 106,2; У Торъялыште 107,9 МегаГерц частоташте станцийын сигналжым кучен кертыт. Идалык мучаш марте эше ик вышкыште ФМ передатчикым вераҥдат. Чылаже республикыште 10 у передатчикым вераҥдышаш улыт. Тушечын 7-ше тений ямде лиеш.