Йошкар-Ола гыч гимнастке «Шӧртньым» конден
Йошкар-Ола гыч гимнастке «Сурасе шыже» гыч «Шӧртньым» конден. Юл кундем округысо Пенза олаште спорт гимнастике дене «Сурасе шыже» Россий кӱкшытан таҥасымаш- влак эртеныт. Тушко Марий Эл гычат спортсмен- влак ушненыт. Йошкар-Оласе «Олимпий резерв училище» гыч икымше курсышто тунемше Диана Аванесян посна снарядыште финалыш лектын. Тудо «Шӧртньӧ» медальым сеҥен налын да спорт мастерын норматившым шуктен.
