Айкидо федерацийын сборный командыже Озаҥ олаште кӱкшӧ лектышым ончыктен
Кодшо кечылаште Марий Элысе айкидо федерацийын сборный командыже Озаҥ олаште Россий кӱкшытан кучедалмаш сымыктышын кумшо Студент модмашыштын Юл кундемысе йыжыҥыштыже участвоватлен. Бизнес колледж гыч Георгий Мишин икымше верым, тушечынак Станислав Петухов кокымшо, Йошкар-Оласе медколледж гыч Павел Хрулёв кумшо, Марий университет гыч Ксения Липатникова кокымшо ден кумшо верлам сеҥен налыныт. Сборныйын тӱҥ тренерже Александр Чуфистов.
