«Кугу этнографий диктант» онлайн-формат дене лиеш

Шинчымашым шарыше Тӱнямбал акций-  визымше «Кугу этнографий диктант» онлайн-формат дене 3-шо гыч 8-ше ноябрь марте эрта. Тудым калык- влакын пашашт шотышто федерал агентство ден Удмуртийын калыкле политике министерствыже эртарат. Марий Элыште тӱвыра да туныктыш министерстве ямдылат. Диктантыш ушнашлан Мирэтно.ру сайтыш пурен «Диктантым эрташ» лаштыкым ойырен налман. Диктантыште 30 йодыш лиеш: 20-жо федерал ужаш, 10 йодышыжыо регион дене кылдалтше. Нунылан 45 минут жапыште вашештен шуктыман. Республикыште возымо площадкыже Чавайн лӱмеш калыкле книгагудо лиеш. Тушто тыглай формат дене 6-шо ноябрьыште 11 шагат гыч возаш лиеш.