Шӱм черан- влакым эмлаш ешартыш окса толын
Марий Эл шӱм да вӱргорно черым эмлыше эмлан 60 миллион теҥгем налын, - увертара тазалыкаралтыш министерстве. Шийвундым «Тазалыкаралтыш» калыкле проектын «Шӱм да вӱргорно чер дене кучедалмаш» регионысо проект кышкарыште пуымо. Эмлан 59 миллионат 622 тӱжем теҥгем ойырымо. Тушечын 57 миллионат 450 тӱжемже- федерал бюджет гыч. Эмым поликлиникысе диспансер учётыш шогалтымеке ик ий жапыште пуаш тӱҥалыт.
