Сад-пакча йодыш дене приём арня эрта

          Транспорт министерствын еҥже- влак сад-пакчам кучышо- влакым шупшыктымо шотышто пашам виктарыме нерген умылтареныт. Дмитрий Медведевын регионысо приёмныйыштыжо сад-пакча товариществе дене кылдалтше йодыш дене калыклан приёмым эртарыме арня тӱҥалын. Икымше вашлиймашым Транспорт министерствын транспорт пӧлкажым вуйлатыше Роман Рзаев ден тиде министерсвын корно озанлыкым виктарыме шотышто пӧлкажым вуйлатышын алмаштышыже Татьяна Никитина эртареныт. Толшо- влакын йодышышт садовод- влакым шупшыктымо дене кылдалтыныт. «Малиновка» сад- Зелёный посёлко» марте маршрут дене пассажир- влак ешаралтыныт. Молан манаш гын, Нолька посёлко воктене «Дружба» коттедж посёлкым чоҥат. Сад-пакчазе- влак маршрутым ешараш темлат. Министерствын еҥже у маршрут- влак ямдылалтыт манын умылтарен. Муниципал образованийым вуйлатыше але СНТ-ын председательжылан перевозчик деке рейсым ешараш але кугу автобусым колташ йодмаш дене лекташ темлыме. Паганур ден Кугенерка ял марте кузе миен шуаш? Тиде йодыш калыкым шукертсек тургыжландара. Кугенерка марте шупшыктышо перевозчиклан шке пашажым сайын шуктыдымылан свидетельствыжым кораҥдыме, а шупшыктышо у еҥ кызытеш уке. Роман Рзаев умылтарен: 28-ше апрель гыч 30-шо сентябрь марте Йошкар-Ола- Чкаэҥерка маршрут дене автобус- влак кошташ тӱҥалыт. Тудыжо лач Паганур ден Кугенерка гоч кая.
                 Фото: "Единый Россий"