Икымше шошымсо субботникышке тӱжем наре еҥ лектын

              Йошкар-Олаште икымше шошымсо субботникышке тӱжем наре еҥ лектын. Апрельыште йӱла семын олам тӱзландарыме месячник эртаралтеш. Ола администрацийын, муниципал предприятийлан, предприятий ден организацийлан, социал, тӱвыра, туныктыш тӧнеж- влакын еҥышт, оласе калык уремлам, кудывечылам, тӱшка вер- влакым эрыктат. 8-ше апрельыште икымше субботник эртен. Виктарыше компаний, ТСЖ ден ЖСК гыч 460 наре пашаеҥ, 10 технике лектын. Нуно 200 утла мешак куштырам погеныт. Тидын годымак «Город» МУП корно воктелсе газонлам эрыкта. Кече еда кок тарктор тележке шӱкшакым луктын кудалтат. Корно пашазе- влак корныла гыч телым шавыме ошмам погат. Икмыняр кечыште 350 тонн лаврам удырен лукмо. Черетан тӱшка субботник- влак 15-ше да 22-шо  апрельыште лийыт.