Шке оза- влаклан кузе газым яра пурташ лийме нерген каласкаленыт

           Шке оза- влаклан кузе газым яра пурташ лийме нерген каласкаленыт. Йошкар-Олаште газификаций да догазификаций шотышто республикысе программым шыҥдарыме йодышым писын виктарен колташ манын муниципал штабым ыштыме. Администрацийыште эртыше совещанийыште ола округыш пурышо яллаште, поснак Апшак-Белякыште, газым пуртен пытарыме йодышым каҥашыме. Догазификаций – тиде газым пуртымо яллаште калыкын оксажым кучылтде мланде участкын чекше марте газым пуртымаш да объектыш ушымаш. Кадастр учётышто шогышо пӧртлашке газым яра пуртен кертыт. Вес семын каласаш гын, мланде участкылан да илыме пӧртлан правам пеҥгыдемдыше документ уло гын, тиде программе дене пайдаланен кертыт. Документ уке гын, эн ончыч тудым ямдылаш кӱлеш,- умылтара Йошкар-Олан мэрийже.
           Йошкар-Ола мэрийын фотожо.