Моско область гыч наркодилер кок килограмм синтетикан наркотикым шаркалаш шонен
Моско область гыч наркодилер Марий Эл кундемыште кок килограмм синтетикан наркотикым шаркалаш шонен. Но тудым ФСБ-н республикысе виктемжын пашаеҥже- влак кученыт. Кодшо ийын ноябрьыште Моско областьыште илыше еҥ наркотикым республикыш конден, Медведево районышто шылтык верыш пышташ тӧчымыжыӧ годым кучалтын. Уголовный пашам тарватыме. Тудым шымлымеке суд тиде еҥым 9 ият лу тылзылан пеҥгыде режиман колонийыш колташ пунчалын. Приговор вийым налын,- увертара УФСБ-н пресс-службыжо.