Республикым газифицироватлыме годым шкенан элыште ыштыме материал ден оборудований гына кучылталтеш
Республикым газифицироватлыме годым шкенан элыште ыштыме материал ден оборудований гына кучылталтеш. Рынкыште вашталтыш, санкций да тӱрлӧ чарымаш йодышым луктеш- тыгай жапыште газификаций ден догазификацийым ончычсо кугыт дене умбакыже шуяш лиеш мо? Йодышлан «Газпром газораспределние Йошкар-Ола» предприятийын исполнительный директоржо Александр Ерёмин вашештен. Республикысе калыкым ӱшандарен кертам: рынкысе ситуаций газым пуртымо жап ден темплан нимогай чаракым ок ыште. Газ компаний- влак икымше ий гына огыл импортым вашталтен пашам ыштат. Тачысе кечылан шкенан элыште ыштен лукмо оборудований ден материал ситышын уло. Элысе производитель- влак дене ӱшанле партнёр кыл палемдыме планым чаткан шукташ да ӱшанлын ончыко ончаш полша. Тений посёлкыла кокласе кум газпучым У Торъял, Советский да Оршанке районлаште, Звенигово районысо «Кокшамары» газораспределительный станцийым чоҥаш палемдыме. Тиддеч посна тений изи куатан 7 пучым чоҥымо лиеш. Догазификаций программат умбакыже шуйна. Кум тӱжемат 340 йодмашым налме да сурт оза- влак дене ойпидышым кылдыме. Пӧрт деке толшо тӱжемат 300 утла пучым чоҥымо, 714 суртым ушымо. Республике мучко тиде программышке шым тӱжем наре пӧрт пура. Сандене йодмашым умбакыже погат.
