Ик арня гыч Озаҥ полигонысо пригородный поезд- влак кеҥеж расписанийыш куснат

          Ик арня гыч Озаҥ полигонысо пригородный поезд- влак кеҥеж  расписанийыш куснат. Озаҥ полигонысо «Содружество» Пригород пассажир компанийын обслуживатлымашке кеҥеж жаплан 18 пригород поезд палемдалтеш. Молан манаш гын, пассажир- влак ешаралтыт. Тыгеже Йошкар-Ола гыч Озаҥ да Яранск марте куртньӧ корно дене миен шуаш лиеш. 15-ше апрель гыч 9-ше октябрь марте Озаҥ гыч Йошкар-Олаш поезд кошташ тӱналеш. Тудо куграня, шуматкече да рушарнян 17 шагатат 45 минутышто толын шуэш. Тыгак кугарня, шуматкече да рушарнян  Йошкар-Ола гыч Яранскыш 18 шагатат 11 минутлан кая да 20 шагатат 45 минутышто миен шуэш. 16-шо апрель гыч 10-шо октябрь марте Яранск гыч Йошкар-Олаш 3 шагатат 50 минут эрдене лектеш да 6 шагатат 35 минутлан толын шуэш, шуматкечын, рушарнян да шочмын кошташ тӱҥалеш. 16-шо гыч 10-шо октябрь марте тыгак Йошкар-Ола- Озаҥ поезд шуматкечын, рушарнян да шочмын коштеш. Тудо 7 шагатат 43 минутышто тарвана да 11 шагатат вич минутышто миен шуэш.