Александр Евстифеев вич ий республикым вуйлата

Александр Евстифеев вич ий республикым вуйлата
             Таче 6-шо апрельыште Александр Евстифеевым Марий Элым вуйлатышын сомылыжым жаплан шуктышо семын пеҥгыдемдымылан вич ий темеш. Тиде 2017-ше ийыште лийын. Тиде кечынак Александр Александрович Российын Президентше Владимир Путин дене вашлийын. Тудыжо сентябрьыште сайлымаш марте республикым вуйлаташ темлен. Александр Александрович тыгай ӱшаным ыштымылан тауштен ойлен. Вич ий вуйлатыме жапыште Александр Евстифеев ятыр пашам ыштен. Нунын коклаште аэропортым пашаш колтымо, Перинатал рӱдерын у корпусшо чоҥалтын, Волжск оласе эмлыме верын азам ыштыме корпусшо чоҥалтеш. Кызыт тыгак рӱдӧ олаште кугу магистраль урем ышталтеш, йоча сад, школ- влак нӧлталтыт да шуко молат.

Прошлые выпуски