Ураев бульварын кокымшо йыжыҥжым чоҥымаш ноябрь тӱналтышлан мучашлалтшаш

             Йошкар-Оласе Ураев бульварын кокымшо йыжыҥжым чоҥымаш ноябрь тӱналтышлан мучашлалтшаш. Тиде паша индивидуал программе кышкарыште ышталтеш. 162 метр кужытышто у асфальтым шарат, машина коштмо ныл полосам ыштат. Киров ден Ураев бульвар ушнымаште светофоран йолешке вончем лиеш. Тыныслык уремын геометрийже изиш вашталтеш: Киров урем дене ушнымаште тураҥдат да Ураев бульварыш луктыт. Йӱрвӱд йогымо канализацийым ыштымеке, бульвар корнывожышто, Киров ден Мир уремла ушнымаште вӱд погынаш ок тӱҥал. Калыклан йӧнан лийже манын тротуарым ыштат да уэш троллейбус кошташ тӱналеш, - увертара ола администрацийын пресс-службыжо. Чыла пашам Озаҥ ола гыч «Спецстрой» компаний шукта. Тудак икымше ужашым ыштен ыле. Контрактым 82 миллион утла теҥгелан ыштыме. Пашам икымше ноябрьлан мучашлышаш улыт.
             Фото: «ВНД» газет.