Тӱвыра полатыште икмыняр усталык лабораторий почылтшаш

            Йошкар-Оласе Сеҥымашын 30-шо идалыкше лӱмеш тӱвыра полатыште икмыняр усталык лабораторий почылтшаш. Полатын «Олалан тӱвыра- оласе калыклан усталык лабораторий-влак» проектше Президент тӱвыра инициативе фондын ик сеҥышышже лийын. Грантын кугытшо ик миллионат 933 тӱжем теҥге. Шонымашын авторжо- Игнат Свинин. Тудын шонен пыштымыже почеш тиде оласе калыкын занятийым, мастер класслам, усталык кас ден изи проект- влакым ыштыме усталык кумдыкшо лийшаш.
            Тӱналтышлан вич лабораторий лиеш. Иктыже- МузЛаб- шуэн вашлиялтше марий семӱзгар дене шоктымо сем студий лиеш. Туштак самырык талантан музыкант- влаклан звукозаписьым ыштат. Кокымшыжо- АртЛаб- живопись да сӱрет, роспись, арт-кас, прикладной усталык дене мастер-классым эртарыме лабораторий. ТеатрЛаб-ыште актёр мастарлык дене занятий- влак лийыт. МедиаЛаб- телестудий да цифран тӱвыра класс, ТанцЛаб-ыште хореографий классым почыт. Тиде ойыртемалтше проект оласе чыла калыклан тӱвыра канышым эртарыме у формат семын палемдалтеш.
              Кызыт тӱвыра полат лабораторий- влаклан пӧлем- влакым олмыктышаш да кӱлеш оборудованийым шындышаш. Олмыкташлан софинансирований кышкарыште тӱвыра полат 674 тӱжем теҥгем ойыра. Лабораторий- влак сентябрьыште почылтшаш улыт. – увертара ола администраций.