Тений 34 специалист «земский» лиеш
Тазалыкаралтыш министерствын увертарымыже почеш тений 34 специалист «земский» лиеш. Тазалыкаралтыш министерствын коллегийже «Земский доктор» да «Земский фельдшер» программе почеш оксам тӱлышаш должность- влакын спискыштым пеҥгыдемден. Кодшо ийын ялыш пашаш кайыше 28 врач ден 6 кыдалаш медицина пашаеҥ компенсацийым налын ыле. Нунын кокла гыч 7 врач ден вич кыдалаш специалист тора да миен шуаш неле яллашке каеныт.
Теният «земский» программе почеш 34 специалист кайышаш. Нунылан 35 миллионат 750 тӱжем теҥгем тӱлаш палемдыме. Нунын кокла гыч 15 еҥже тора яллаш кая. Участковый терапевт- влакым Красногорский, Килемар, Курык марий Кузнецово, Юрино, Сурок, Арде, Советский Алексеевский, Сенькан эмлыме верлаште вучат. Нунылан ик миллионат пеле теҥге дене компенсацийым тӱлат. Ик миллион теҥгем 16 врач налеш. 750 тӱжем теҥгем Поянсола, Пайскырык да Козиково, Кымья ден Йӱксар, Арбан ден Ӱшнур ФАП-ыш кайыше фельдшер- влаклан пуаш ыштыме. «Земский» манме программе- влак кадр йодышым виктарен колтымаште кугу полыш улыт.
Теният «земский» программе почеш 34 специалист кайышаш. Нунылан 35 миллионат 750 тӱжем теҥгем тӱлаш палемдыме. Нунын кокла гыч 15 еҥже тора яллаш кая. Участковый терапевт- влакым Красногорский, Килемар, Курык марий Кузнецово, Юрино, Сурок, Арде, Советский Алексеевский, Сенькан эмлыме верлаште вучат. Нунылан ик миллионат пеле теҥге дене компенсацийым тӱлат. Ик миллион теҥгем 16 врач налеш. 750 тӱжем теҥгем Поянсола, Пайскырык да Козиково, Кымья ден Йӱксар, Арбан ден Ӱшнур ФАП-ыш кайыше фельдшер- влаклан пуаш ыштыме. «Земский» манме программе- влак кадр йодышым виктарен колтымаште кугу полыш улыт.