Республикысе медицина тӧнеж- влак у оборудований дене пойдаралтыт
Марий Турек районысо рӱдӧ эмлыме вер рентген маммографым налын. «Тазалыкаралтыш» калыкле проектын «Республикыште тазалыкаралтышын первичный звеножым уэмдымаш» программым шыҥдарыме кышкарыште Марий Турек районысо рӱдӧ эмлыме вер 14 миллионат 600 тӱжем теҥгеаш рентген маммографым налын. Тымарте тушто тыгай аппарат лийын огыл. Сандене ӱдырамаш- влаклан шымлымашым эрташ Шернурыш кошташ верештын. Кодшо ийын маммографийым 834 ӱдырамаш эртен. Нунын кокла гыч 14 еҥын шӧр тужын онкологий чержым рашемдыме. Тений тыгай диагнозым эше ик ӱдырамашлан шындыме.
Ушештарена: цифран у маммограф тений икымше гана Куженер рӱдӧ эмлыме верышкат толын. Тымарте пациентке- влак шымлалташ Йошкар-Олаш коштыныт. А маммографий кажне ийын районысо кок тӱжем утла ӱдырамашлан кӱлеш. Тыгаяк у оборудованийым Йошкар-Оласе кумшо номеран поликлиникышкат кондымо. Тоштыжын пайдаланыме жапше лектын. Тений республикысе медицина органиазций- влак модернизаций программе почеш лу маммографым налшаш улыт. У аппарат- влак Звенигово, У Торъял, Морко, Медведево рӱдӧ эмлыме верлашке, Волжск оласе рӱдӧ эмлыме верыш да Йошкар-Оласе икымше поликлиникыш толшаш улыт.
Маммограф деч посна тений Йошкар-Оласе эмлыме вер ден У Торъялысе ЦРБ флюорографым, Волжск оласе, Параньгасе эмлыме вер- влак да Йошкар-Оласе нылымше поликлинике кум стационар рентген аппаратым налыт. Тичмаш ончымаште медицина органиазций- влак 192 миллион теҥгелан кугу нелытан 15 оборудований дене пойдаралтыт.
Ушештарена: цифран у маммограф тений икымше гана Куженер рӱдӧ эмлыме верышкат толын. Тымарте пациентке- влак шымлалташ Йошкар-Олаш коштыныт. А маммографий кажне ийын районысо кок тӱжем утла ӱдырамашлан кӱлеш. Тыгаяк у оборудованийым Йошкар-Оласе кумшо номеран поликлиникышкат кондымо. Тоштыжын пайдаланыме жапше лектын. Тений республикысе медицина органиазций- влак модернизаций программе почеш лу маммографым налшаш улыт. У аппарат- влак Звенигово, У Торъял, Морко, Медведево рӱдӧ эмлыме верлашке, Волжск оласе рӱдӧ эмлыме верыш да Йошкар-Оласе икымше поликлиникыш толшаш улыт.
Маммограф деч посна тений Йошкар-Оласе эмлыме вер ден У Торъялысе ЦРБ флюорографым, Волжск оласе, Параньгасе эмлыме вер- влак да Йошкар-Оласе нылымше поликлинике кум стационар рентген аппаратым налыт. Тичмаш ончымаште медицина органиазций- влак 192 миллион теҥгелан кугу нелытан 15 оборудований дене пойдаралтыт.